പ്രണയ ബാഷ്പാജ്ഞലി 

ഇനിയെന്നു കാണുമെൻ തോഴീ..
ഞാൻ നിനക്കേകുന്നു നിറമാർന്ന യാത്രാമൊഴി..(2)

നഷ്ടസ്വപ്നങ്ങളാൽ  നാം തീർത്ത വീഥിയിൽ
ദു:ഖ സവാരി നടത്തിടുമ്പോൾ
നിന്റെ കൈത്തണ്ടയിൽ എൻ കരം ചേർക്കുവാൻ
നേരുമോ നീ നേർത്ത നറുപുഞ്ചിരി..(ഇനി)

അക്ഷരത്തുട്ടിനാൽ നാം മനക്കോട്ടയിൽ
 തീർത്തൊരു മാളികയാണു പ്രണയം
ഒടുവിലാമാളികയിലൊറ്റയ്ക്കു ഞാൻ നിന്റെ-
യോർമ്മകൾക്കെന്നുമൊരു കാവലാളായ്...(2)(ഇനി)

പിരിയുവാനൊരുമാത്ര ഓർത്തിരുന്നില്ലനാം
പ്രണയ സ്വപ്നങ്ങൾ നെയ്തിടുമ്പോൾ
അന്ധകാരത്തിനാൽ വീശും വിഷക്കാറ്റി-
നറിയുമോ വിരഹത്തിനാത്മ ദു:ഖം(ഇനി)

കാലമെൻ കൈകളിൽ വിധിതൻ വിലങ്ങിന്റെ
അഴിയാക്കുരുക്കുകൾ തീർത്താലുമെൻ
മാനസം നിന്നെ പുണർന്നീടുമെപ്പഴും
 ഹൃദയത്തിനുള്ളിലെ ചെപ്പിനുള്ളിൽ...(ഇനി)