സമയപാത
അകലാതെ അകലുന്നു കാലം
ആരുമറിയാതെ ഇഴയുന്ന ലോകം
ഒരു കൊച്ചു ബിന്ദുവിൽ ചേർന്നു നിൽക്കും
പിന്നെ അകലാതെ അകലേക്കകന്നുപോകും
പിന്നിട്ട പാതയിൽ ആയിരാമാനന-
മോർമ്മയിൽ നമ്മളോടൊന്നു ചേരും
കാലത്തിനൊപ്പം തുഴയുവാനാവാതെ
തളരുന്ന സൗഹൃദം ഓർമ്മയാകും ..
കാലമിനിയും അകലും, പിന്നെ അടുക്കും
അതൊരു ചക്രമായ് കറങ്ങി നിൽക്കും..
അതിനിടയിൽ നമ്മളും കണ്ടുമുട്ടും
ഒന്നിച്ചൊഴുകും, പിന്നെയകന്നു പോകും..
ഒടുവിൽ നീയും ഞാനും തളർന്നു വീഴും
കാലചക്രം വീണ്ടുമുരുളും... ആ സമയചക്രം വീണ്ടുമുരുളും...
